PENNAD STUR

gant al Legestr kreizig   

Poblvouezhiadeg pe get ?

Evel ma ouzoc'h unan eus ar goulennoù pouesañ ar jupennoù melen a zo anveet ganto « RIC »(1), da laret eo rein d'ar boblañs an tu da vezañ goulennet ganti he ali war an danvez-man an danvez-se. Gaver seurt benveg e broioù estren evel Bro Italia, Kalifornia er Stadoù Unanet pe Bro Suiss. N'eus ket pell'zo Richard Ferrand en deus disklaeriet e zisfi diwarbenn ar « RIC » peogwir e vije implijet n'eus forzh penaos e Bro Suiss hervezañ. Respontet eo bet dezhañ gant ur c'helenner skol Veur Jeneva Ferrand a oa ur wir azen abalamour n'en devoa anaoudegezh 'bet diwarbenn al lezennoù hag ar stummoù goarnamant e Bro Suiss. Jean François Billeter* eo ar c'helenner-se ha n'eo ket un innosant. Kelenner war ar yezh sinek, prederour ha skrivagner ampart. Hennezh en deus skrevet ul levrig anvet « Europa warc'hoaz »*.

Bar levrig berr se, diskouez a ra perag ez eus kemendt a jolori en Europa an amzer-vreman. Hervezañ an abeg a zo eeun : An Europeiz o deus un ec'honder marc'hadourel e-eun, ur moneiz kumun met hep kaout ur wir goarnamant. N'o deus ket ar memes reolennoù evit ar vuhez ekonomikel hag an tailhoù. Ur genvadeg a zo etrezo evit sach deus e zu. Ar sistem n'eo ket tamm 'bet demokratel. An diskoulm n'hall ket bezañ met un Europa sichennet war ar bobloù ha rannvroioù gwerinel lec'h gaver ar wir riegezh an dud. A-fas pikol stadoù a weler o kreskiñ o galloud bemdez evel Kina, India hag ar Stadoù Unanet n'eus met un dra da ober : kempenn ur stad Europeel kreñv ha demokratek.

E wirionez seurt mennozioù a zeu diwar al labourioù ur skolveurez almañtek Ulrike Guérot bet displeget bar he levr « Warum Europa eine Republik werden muss ». Evidomp ni, Bretoned, adkavomp amañ ar mennozioù 'bet displeget gant hor c'henvroad Yann Fouere en e levr «  L'Europe aux cent drapeaux ».

E miz mae e vo votet adarre evit divizout peseurt Europa a fell dimp kempenn. Ar Prezidant Makron a fell dezhan lakaat ac'hanomp da grediñ hor joej a vo nemet etre stadoù badeet gantañ « demokratek »  hag re renet gant « aotrouniezh nann demokratek ». Da laret eo ar « re vat deus un tu » hag « ar re euzhus » deus an tu all. Fell a ra dezhañ derc'hel da vont gant un Europa sichennet war ar Stadoù. E c'heller respont dezhañ ar stad gall a zo renet gant ur vonreizh** mestronius hag hollgalloudus ken-ahe. Evidomp ni Bretoned, evit ar Skosiz, ar C'hembreiz ,ar C'hatalaniz ha meur a bobloù all, un Europa krenv ha demokratek n'a hello met bout sichennet war he roedoù orin, da laret war ar frankiz ha dibaboù he minorelezhioù broadel.

(1) Ger-goulenn.

*Jean François Billeter « Demain l'Europe ».Editions Allia 6,20 €

**Ghislaine Ottenheimer « Poison présidentiel ».Albin Michel 19 €



Abonnez vous pour recevoir les 6 prochains Numéros de l'Avenir de la Bretagne et soutenir la revue

Suivez nous sur Facebook

Retrouvez nous sur facebookSuivez-Nous sur la page Facebook de l'Avenir de la Bretagne et invitez vos amis.

Cliquez ici

Partagez cette page

Partagez cette page par mail ou sur les sur les réseaux sociaux et faites découvrir l'Avenir de la Bretagne

L'Avenir de la Bretagne

Breizh da Zont - L'Avenir de la Bretagne
Evit Breizh dizalc’h en Europa ar pobloù
Pour une Bretagne libre dans l’Europe des peuples.

 

Revue bimestrielle

  

Abonnez-vous - Contactez-Nous

 
- Mentions Légales - Flux RSS - Site web réalisé par PDS